Campións en infantil

Hoxe dous dos nosos equipos xogarán encontros na Liga Galega de Xadrez coa vista posta nun posible ascenso das súas categorías.

Hai unha semana o noso único equipo en Xogade, o CIDU INFANTIL, logrou quedar no primeiro posto no torneo intercomarcal celebrado en Carballo e no que tomou parte tras ser o campión en Coruña.

O CIDU foi primeiro, por diante do Arteixo, o Xadrez das Mariñas (no que ademais participaban xogadores nosos cedidos) e o Carballo.

O equipo estivo integrado por Gonzalo, Franco, Sergio e Adrián.

Con este resultado o CIDU é a única entidade da cidade da Coruña que ten clasificado un equipo para a fase a celebrar en Santiago o 4 de maio cos catro mellores conxuntos da provincia. 

XXX ANIVERSARIO

O día 1 o noso club cumple 30 anos e abre a serie de torneos que formarán a Combinada-Maratón deste ano. Agardamos que os Torneos de Aniversario sexan do voso interese.

En 1994 seis universitarios e un profesor promoveron a creación do Club de Iniciativas Deportivas Universitarias. 

Para a actividade imos contar co apoio da nosa entidade matriz; a asociación de estudantes da UDC INCUDE e tamén do Sporting Club Casino que nos deixará empregar as súas instalacións unha vez mais. Igoalmenmte agardamos contar coa axuda anual da Deputación da Coruña. A todos eles expresarlles o noso maior agradecemento.

BASES DO TORNEO ANIVERSARIO.

DATA: 
Mércores 1 de maio de 2024.

LOCAL DE XOGO:

Salóns da 1ª Planta do Sporting Club Casino.

Rúa Real 83 - A Coruña

HORARIO:

Presentación: 16,30-16,50
1ª Rolda: 17,00

2ª Rolda: 17,30

3ª Rolda: 18,00

4ª Rolda: 18,30

5ª Rolda: 19,00

Entrega de trofeos estimada: 19,30 a 20,00.

SISTEMA DE XOGO E RITMO:

Xogarase por sistema suizo a cinco roldas.

O ritmo será de 15' + 3''

Non se dará tempo extra polas xogadas ilegais.

DESEMPATES:
Os sistemas de desempate serán sorteados tras a derradeira rolda.

XOGADORES E CATEGORÍAS:

Poderán participar calquera xadrecista que teña licencia federativa en vigor. 

Os participantes do torneo xogarán nas seguintes categorías dacordo a súa idade:

Sub8 ou Prebenxamin. Nados en 2016 ou seguintes.

Sub10 ou Benxamin. Nados en 2014 e 2015.

Sub12 ou Alevín. Nados en 2012 e 2013.

Sub14 ou Infantil. Nados en 2011 e 2010.

Absoluta. Nados en 2009 ou anteriores.

PREMIOS

Trofeo para os tres primeiros clasificados de cada grupo.

Libro e pequeno agasallo para todos os asistentes.

Medalla para todos os participantes sub14.

Para a entrega dos premios será obrigatorio a asistencia ao acto de clausura e entrega de premios.

COTAS E INSCRICIONS

Os primeiros torneos do Aniversario terán unha pequena cota no mes de maio, mentres que os xa programados para xuño e xullo serán de balde.

A participación neste torneo será de 5 euros. 

O máximo de participantes será de 80.

A data tope para anotarse será o martes 30 de abril.

Os xogadores participantes terán preferencia na inscrición dos demais torneos do Aniversario.

A inscrición realizarase mediante o seguinte formulario electrónico:

PREME

OUTROS TORNEOS DO ANIVERSARIO

En 2024 seguiremos coa liña de ampliar os torneos do aniversario, os participantes en cada torneo contarán para unha proba combinada.

Outros torneos previstos actualmente e que agardamos duplicar:

TORNEO DIA DAS LETRAS GALEGAS. 17 de maio. Válido para ELO FIDE en ritmo lóstrego.

TORNEO ODEÓN (Narón). 29 de xuño. Válido para ELO FIDE en ritmo lóstrego.

TORNEO ASALTO AO CASTELO (Vimianzo). 6 de xullo. Válido para ELO FIDE en ritmo lóstrego.

CONSIDERACIONS FINAIS

Advertencia 1: Os participantes nas probas autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa presencia nas fotos realizadas cos mesmos propósitos.

Advertencia 2: Para o mellor funcionamento do Torneo os organizadores poden ampliar as bases do mesmo antes da celebración da proba.

A participación leva aparellada a aceptación destas normas.

Liga e Xogade

Remataron os xogos escolares na Coruña e Cambre. Dominio dos nosos representantes en categoría infantil. Na Coruña o noso único equipo inscrito foi o infantil (aínda que tivo participación de xogadores en categoría alevín) que logrou clasificarse tras venver aos representantes da Escola Técnica de Xadrez. Na zona de Cambre parte dos nosos xogadores e alumnos formaron parte do Xadrez das Mariñas, como en anos anteriores, a sorte non nos acompañou nas categorías benxamín e alevín pero na categoría infantil tamén quedaron primeiros.

En Cambre no Torneo Sub8 que era individual o campión foi otro rapaz das nosas escolas de xadrez.

Así que estamos bastante satisfeitos da nosa actuación.

Temos por siante dous sábados sen liga de xadrez e despois retomaremos a Liga, que remata en maio ou abril, segundo o equipo.

Hoxe venres estaremos dende 19,30 no Centro Universitario de Riazor.

De novo Liga e Xogade

Na fin de semana seguimos co deporte escolar de Xogade. Tras a clasificación o pasado venres do equipo CIDU INFANTIL na fase coruñesa estaremos atento ao que fan parte dos xogadores da nosa escola integrados no Xadrez das Mariñas na fase de Cambre. 

Coma nas semanas anteriores este venres temos ás 19,30 a clase de inciación con Pablo no Centro Universitario de Riazor. E a partir das 20,30 os membros do club e da comunidade universitaria poden pasar a botar partidas e se hai xente faremos un torneo de rápidas ata as 21,45.

O sábado disputaremos a Liga

ROLDA-5 16-03-2024
E.L.X. ABSOLUTO - CIDU UNIVERSIDADE DA CORUÑA

O equipo principal viaxa a loitar co duro equipo da Escola Luguesa.

CIDU INCUDE - ESCOLA TECNICA DE XADREZ DA CORUÑA

CIDU RIAZOR - XIRIA GARAYSA CARBALLO B

O domingo temos de novo o Xogade en Cambre. Hai que estar no Pavillón Sofía Toro pouco antes das 10,00. Tras a primeira xornada os nosos xogadores están ben situados en distintas categorías. Imos ver se somos quen de culminar ben o torneo.

Unha boa fin de semana

A pasada fin de semana estivo bastante ben para os noso equipos.

Na Liga Galega de Xadrez gañaron os dous equipos de maiores; o CIDU UNIVERSIDADE e o CIDU INCUDE (este último enfrentábase cun dos líderes da división) e perdeu o CIDU RIAZOR, formado polos rapaces das escolas, aínda que conseguiu 1 dos catro puntos en xogo contra os seus rivais do Macondo, formado todo por persoas maiores.

Mais importante a actuación no programa Xogade da Xunta de Galicia.

O venres o único equipo que presentamos na fase coruñesa o CIDU INFANTIL gañaba a dita fase local tras impoñerse a Escola Técnica de Xadrez.

O domingo moitos dos nosos xogadores foron cedidos como outros anos ao Xadrez das Mariñas que disputa a fase en Cambre e tras a disputa da primeira rolda o equipo conxunto vai liderando a categoría infantil e agardamos que o próximo domingo teñamos tamén boas novas deste Xogade que se disputa en Cambre. Na clasificación individual xogadores nosos están invictos na categoría infantil e no Torneo Sub8 que se celebra ao mesmo tempo.